Zëvendësministri i Financave nga AAK: Buxheti i vitit 2021 duhet të votohet në Kuvend

Kemajl Berisha

4 years ago

Zëvendësministri të Financave, Kushtrim Brahimaj, nga radhët e Aleancës për Ardhmërinë e Kosovës (AAK), ka thënë se buxheti i vitit 2021 duhet të votohet.

Sipas tij nëse nuk miratohet buxheti Kosova do të futet në bllokadë buxhetore.

“Kjo bllokadë nga muaji mars do t’i lë pa paga nëpunësit e sektorit publikë, pa pagesa përfituesit e skemave pensionale dhe sociale, do të pamundësohen pagesat e punëve publike të cilat dëmtojnë direkt sektorin privat, do të bllokohen komunat që të përmbushin planet e tyre gjatë vitit të ardhshëm”” shtoi ai.

Postimi i plotë:

BUXHETI I VITIT 2021 DUHET TË VOTOHET NË KUVEND GJATË JAVËS SË ARDHSHME, NË TË KUNDËRTEN MARSI 2021 NA GJENË NË BLLOKADË BUXHETORE!
Nëse nuk miratohet buxheti nga kjo legjislaturë, në muajin mars 2021 Kosova do të futet në Bllokadë Buxhetore nga e cila pëson sektori publikë, sektori privat dhe i gjithë sistemi ekonomik i vendit.

Kjo bllokadë nga muaji mars do t’i lë pa paga nëpunësit e sektorit publikë, pa pagesa përfituesit e skemave pensionale dhe sociale, do të pamundësohen pagesat e punëve publike të cilat dëmtojnë direkt sektorin privat, do të bllokohen komunat që të përmbushin planet e tyre gjatë vitit të ardhshëm.

Po ashtu, mos miratimi i buxhetit nga kjo legjislaturë do të shkaktojë probleme serioze në menaxhimin e pandemisë COVID 19, do të krijoj vonesa në blerjen e Vaksinës kundër COVID 19 dhe do ta vonojë implementimin e tërësishëm të Ligjit për Rimëkëmbje Ekonomike.

Kuvendi i ri dhe Qeveria e re që derivojnë pas zgjedhjeve të jashtëzakonshme e kanë mundësinë ligjore që në çdo kohë ta plotësojnë dhe ndryshojnë Buxhetin e vitit 2021, sipas planeve dhe objektivave të tyre qeverisëse.