Zëvendësministri i Punëve të Jashtme dhe Diasporës, Kreshnik Ahmeti, takoi sot shefen e Zyrës Ndërlidhëse të Republikës së Greqisë në Republikën e Kosovës, Heleni Vakali.
Siç njofton Zyra për media e MPJD-së, në takimin e parë me ambasadoren Vakali, zëvendësministri Ahmeti i uroi fillimin e mandatit të saj në Kosovë dhe e siguroi për vazhdimin e bashkëpunimit të ngushtë me misionin që ajo drejton.
“Me ambasadoren Vakali u diskutua për projektet e shumta të bashkëpunimit mes të dyja vendeve në fushën e ekonomisë, tregtisë, arsimit e kulturës”, thuhet në komunikatën për media të ministrisë.
Mes tjerash, në njoftim thuhet se “zëvendësministri Ahmeti u shpreh i kënaqur me faktin që ky bashkëpunim i ngushtë po manifestohet edhe me vizitën e nesërme të zëvendësministrit të Punëve të Jashtme të Greqisë, Kostat Fragogiannis”. /Telegrafi/