Fiorentina pas vdekjes së Davide Astorit ka lëshuar një deklaratë publike ku ka treguar disa detaje se si rrodhi ngjarja.
Kapiteni 31-vjeçar i Violas në momentin e vdekjes ishte duke qëndruar në një hotel në Udine së bashku me skuadrën duke pritu ndeshjen në Serie A ndaj Udineses.
“Djaloshi nuk u shfaq ngrënë mëngjes në ora 09:30, zakonisht ai ishte i pari që arrinte”, ka shpjeguar zëdhënësi i Fiorentinas, Arturo Mastronardi.
“Kështu ata shkuan ta kontrollojnë. Davide ishte duke fjetur në dhomë e tij. Ne ende nuk e dimë shkakun e vdekjes. Zyrtarët ligjorë erdhën dhe trupi është marrë për autopsi, e cila do kryhet sot. Nuk kemi detaje tjera”.
“I fundi që e kishe parë Daviden ishte Marco Sportiello. Disa lojtarë flejë të vetëm në dhoma, disa në qifte”.
“Familja e tij është nga Bergamo, prindërit e tij u lajmëruan me telefon, gruaja e tij u vizitua në Florence nga disa prej drejtorëve tonë që ishin në qytet”, ka thënë Mastronardi.
Raportohet se shokët e skuadrës së Astorit kishin thyer derën e dhomës pasi ai paraprakisht nuk ishte përgjigjur as në telefon.
Vlen të theksohet se në mediat italiane është raportuar se Astori kishte sulm në zemër. /Telegrafi/
