Partia Alternativa e cila vendosi të del në opozitë para dy ditëve, përmes një kumtese të nënshkruar nga Sekretari i Përgjithshëm, Zeqirija Ibrahimi, bëri thirrje për nisjen e nismës për themelimin e “bashkësisë së komunave shqiptare në Maqedoni”, sipas modelit të paraparë për themelim të bashkësisë së komunave serbe në Kosovë.
Ai për TV21 sqaroi se qëndrimi për themelimin e komunave shqiptare është qëndrim personal dhe jo i organeve partiake.
“Nëse dëshironi të dini nëse kryetari i Alternativës mbështet nismë të tillë duhet ta pyesni atë. Ky qëndrim është i imi dhe jo i organeve partiake, megjithatë unë jam Sekretar i Përgjithshëm dhe nuk jam individ në parti. Për të qenë më të saktë, nuk ka pasur takim në lidhje me këtë çështje në parti”, tha ai.
Ndryshe, Alternativa para dy ditëve përmes një kumtese propozoi themelomin e Bashkësisë së komunave shqiptare, ndërsa kjo ngjarje pati reagimi të shumta si nga tabori shqiptar ashtu edhe nga ai maqedonas./Telegrafi/