Mbesa e liderit fashist të Italisë, Benito Mussolinit, Alessandra Mussolini ka reaguar ndaj aktorit Jim Carrey për vizatimet e publikuara na rrjetet sociale.
Ylli hollivudian kishte publikuar në Twitter një skicë, në të cilën shihet Mussolini dhe e dashura e tij Claretta, me mesazhin: “Nëse pyesni ku çon fashizmi, thjesht pyesni Benito Mussolinin dhe dashnoren e tij, Claretta”.
If you’re wondering what fascism leads to, just ask Benito Mussolini and his mistress Claretta. pic.twitter.com/uc2wZl0YBu
— Jim Carrey (@JimCarrey) March 30, 2019
Mediat amerikane kanë vlerësuar se komentet e Carreyt iu drejtuan presidentit të SHBA-sve, Donald Trump, por mbesa e Mussolinit iu përgjigj me fyerje: “Ti je një bastard”.
Ajo gjithashtu tha se presidenti Trump nuk duhet të shqetësohet për të gjorin Jim Carrey, pasi vizatimet e tij janë “letra të ndyra” – ndërsa komentet e saj janë kritikuar nga përdoruesit e rrjeteve sociale.
Ndryshe, Alessandra Mussolini është një mbështetëse shumë e fortë e karakterit dhe veprës së gjyshit të saj.