Një nga imazhet që mbetet në kokë nga ndeshja Kroaci-Spanjë e zhvilluar në Zagreb, është përplasja midis Luka Modric dhe Dani Ceballos.
Dyshja e Real Madridit, të dy mesfushorët u përplasën në fushë në disa raste, madje duke u shtyrë mes njëri-tjetrit.
Luis Enrique i besoi Ceballos për ta ndalur Modricin, dhe shkëndija e parë ka ndodhur në minutën e 22, kur kroat goditi andaluzianin në fytyrë, ndërsa ai u përpjek që ta largojë atë.
Më vonë, pas ndeshjes, të dy lojtarët folën për media, duke dhënë versionin e asaj që ndodhi në fushë.
“Kam pasur një problem të vogël me Modricin. Asgjë e rëndësishme, gjëra që mbeten në fushë. Luka është një lojtar dhe person i madh”, ka deklaruar spanjolli.
Kroati ishte aq i lumtur pas ndeshjes sa që kishte harruar mosmarrëveshjen.
“Ai mbrojti vendin e tij dhe unë mbrojta timin”.
“Është normale, pastaj i dhamë njëri-tjetrit një përqafim. Jam i sigurt që do të bëhet shaka me ne në Madrid”, tha kroati./Telegrafi/
