Kuvendi qendror i RDK-së ka mbajtur qëndrim se koalicioni ekzistues me LR-PDSH-në, që gjithashtu ka qenë i përkrahur, por nuk ka qenë i mjaftueshëm dhe duhet të zgjerohet edhe me parti të tjera.
Kështu tha kryetari i porsazgjedhur u RDK-së, Fadil Zendeli, në emisionin ”Intervista” që transmetohet në Televizionin Shenja.
Zendeli tha se vlerësimet e kuvendit qendror të RDK-së kanë qenë që të bisedohet dhe të negociohet edhe me partitë e tjera, që të mund të krijohet një opozitë e përbashkët për shqiptarët për zgjedhjet e ardhshme.
“Ne si udhëheqësi e re e partisë, fuqishëm i qëndrojmë bashkëpunimit me LR-PDSH-në dhe Aleancës për Shqiptarët, por vlerësojmë se kjo aleancë duhet të zgjedhohet, edhe me subjekte tjera siç është Lëvizja BESA, partia UNITETI, por edhe intelektualë, analistë, dhe të gjithë ata që mendojnë se ka nevojë për ndryshime në skenën politike shqiptare në Maqedoni”, tha mes tjerash Zendeli./Telegrafi/
Gjithashtu lexo: Vesel Memedi: Padi për “uzurpatorët” e organeve të RDK-së