Në këto ditë të nxehta vere, grupi West Side Family, kanë prezantuar para publikut projektin e ri muzikor.
“Zemra rreh” mban titullin kënga e re e tyre, të cilën e kanë kompletuar edhe nga ana vizuale.
Artistët vijnë me një paraqitje atraktive në klip dhe ky projekt ritmik i është përshtatur mjaft mirë kësaj kohe.
Tekstin dhe muzikën e ka realizuar artisti Alban Kondi, kurse për arazhmentin janë përkujdesur: Fabian Basha, Klodian Qafoku dhe Elgit Doda.
Ky i fundit po ashtu e ka bërë miksimin dhe masterizimin e këngës.
Projekti tanimë është i lansuar në platformëm muzikore të njohur – YouTube.
West Side Family që një kohë të gjatë janë pjesë e skenës muzikore shqiptare dhe deri më tani kanë sjell hite të panumërta. /Telegrafi/