Zëdhënësi i PDK-së, Faton Abdullahu ka komentuar zhvillimet e djeshme që ndodhën në Kuvendin e Kosovës, ku shefi i grupit parlamentar të PDK-së, Abelard Tahiri gjatë seancës shau deputetët e pozitës.
Abdullahu tha se ajo çka ndodhi dje në seancë është krejtësisht normale, pasi sipas tij, mund të ketë këso reagime kur bëhet opozitarizëm.
“Ne po bëjmë opozitarizëm aktiv. Ne po mundohemi që në çdo aspekt këtë qeveri ta mbajmë përgjegjëse për azhvillime të ndryshme. Është përgjegjësia jonë opozitare, familjare atdhetare që t’i bëjmë presion kësaj opozite, që të shprehim paknaqësinë tonë, që kur duhet ta bëjmë edhe demaskimin e zhvillimeve më të ndryshme dhe krahas kësaj ta ofrojmë alternativën politike për qytetarët e Kosovës”, tha Abdullahu në T7.
“Ajo çka ndodhi në Parlament është krejt normale dhe duhet të priten reagime të ngjashme në kuptimin opozitar, në kuptimin e demaskimit se çka po bëhet. Pra asgjë nuk kishte të jashtëzakonshme dje. Është opozitarizëm që qytetarët e Kosovës tash e tutje duhet të mësohen”, tha Abdullahu.
Tutje ai shtoi se PDK-ja dje në seancë, as nuk gjuajti me gaz, e as nuk ofendoi.
“Përmbajtja e krej asaj cka është bërë në Kuvend, nuk është një e shame. Është një përpjekje për të treguar se çfarë po bën qeveria, që nuk duhet të bëjë. Jo një e shame, që fundja e ke nën dhëmbë, për çka edhe kërkoi falje zotëri Tahiri. Ai është shumë aktiv në opozitarizimin e tij në Kuvend. Ne nuk gjujtëm me gaz. Nuk bëmë sharje nga më të ndryshme, ofendime si: kriminel, që ta çon mallin e asaj tepsisë”, tha Abdullahu.
Ndryshe, Tahiri, është dëgjuar duke i sharë deputetët e pozitës me rob pasi mikrofoni i tij ishte i ndezur, por që s’ishte lejuar të flas nga zhurma e deputetëve të LVV-së.
Tahiri u ngrit në këmbë dhe u dëgjua duke sharë ““Hajde ma shumë, ma shumë. A rob’t jua q***”.
Pas sharjes, deputeti Tahiri ka kërkuar falje.