Ky është momenti rrëqethës kur më shumë se 40 krokodilë e masakrojnë një zebër në lumin Maasai Mara, në parkun nacional të Kenias.
Kafsha nuk kishte nga t’ia mbante pasi po notonte në ujë për të kaluar në pjesën tjetër të parkut, dhe në një moment i vërsulen krokodilët që për pak sekonda e shqyejnë, transmeton Telegrafi.
Bëhet fjalë për krokodilit e llojit Nile që peshojnë deri në dy tonë e gjysmë, dhe nofullat i kanë aq të fuqishme sa që me një kafshim mund ta ndajnë në dysh një zebër siç edhe ndodhi.
Fotografi francez Jean-Francois Raux, 70-vjeç, po vizitonte parkun kombëtar të Kenias, kur vërejti se një zebër është në telashe dhe kështu menjëherë nxori aparatin për ta dokumentuar këtë sulm brutal.
“Gjithçka ndodhi shumë shpejt. Ndoshta qindra zebra e kaluan lumin, por vetëm njëra nuk kishte fat pasi përfundoi drejt e në nofullat e krokodilëve të uritur”, ka deklaruar fotografi francez. /Telegrafi/
