Cristiano Ronaldo përfundoi i 20-ti në listën e Topit të Artë për vitin 2022, por është zbuluar se sulmuesi i Manchester United nuk ka marrë asnjë votë.
Ky pozicion përfaqësonte një nivel më të ulët prej 17 vitesh për pesë herë fituesin e çmimit prestigjioz individual, me Ronaldon që duroi një periudhë prove në një karrierë ikonike që nga kthimi në Old Trafford në verën e vitit 2021.
Tani është zbuluar, pasi France Football publikoi një përmbledhje të plotë të procesit të votimit.
Ronaldo përfundoi aq lart, pra në vendin e 20-të nga 30-të sa ishin në garë, vetëm për shkak të nominimeve të kaluara që u morën në konsideratë – me 37-vjeçarin njërin nga 11 lojtarët që nuk mori fare vota nga juria e Topit të Artë.
Lojtarët e tjerë që përfunduan pa vota në sondazhin e Topit të Artë ishin Harry Kane, Trent Alexander-Arnold, Phil Foden, Bernardo Silva, Joao Cancelo, Joshua Kimmich, Mike Maignan, Christopher Nkunku, Darwin Nunez dhe Antonio Rudiger.
Sulmuesi i Real Madridit, Karim Benzema mori çmimin përfundimtar, me francezin që siguroi zgjedhjen e parë nga 89 nga 93 anëtarët e jurisë, me 549 vota.
Ndryshe, Ronaldo po lufton për kohën e lojës me Unitedin këtë sezon dhe, pasi refuzoi të hyjë si zëvendësues në ndeshjen e tyre të fundit në Ligën Premier, ai tani është hequr nga planet e Erik ten Hag dhe po detyrohet të stërvitet me ekipin U-21 të Djajve të Kuq. /Telegrafi/