Qytetarët amerikan kanë gjetur një tunel të braktisur në El Paso të Teksasit, disa kilometra larg vijës kufitare me Meksikën, ka njoftuar sot patrullat kufitare amerikane.
Në një deklaratë të lëshuar për media nga policia amerikane thuhet se kishin pranuar një telefonatë nga një qytetar i Teksasit i cili e kishte zbuluar rastësisht tunelin në momentin që ishte prishur rruga, transmeton Telegrafi.
Ky tunel gjendet në pjesën veriore në vijën kufitare me Meksikën, kurse autoritetet e sigurisë kanë bërë të ditur se nuk dinë për çfarë shërben ky tunel dhe ku qon ai.
Policia amerikane ka dërguar menjëherë ekipet e tyre, për të kontrolluar dhe vlerësuar gjerësinë dhe gjatësinë e këtij tuneli, kurse ai raportohet se ishte përforcuar me shtylla të drurit. /Telegrafi/
