Lojtarëve të Anglisë u jepet lëng i trangujve turshi për të ndihmuar në parandalimin e ngërçeve në Kampionatin Evropian.
Mbrojtësi i krahut të Tre Luanëve, Kieran Trippier u akuzua për doping nga fansat në mediat sociale, pasi u pa duke konsumuar një ‘ilaç magjik’ sekret gjatë fitores 1-0 të skuadrës së tij ndaj Serbisë të dielën.
Për fat të mirë për Anglinë dhe yllin e Newcastle, ai vuante vetëm nga ngërçi dhe u rikthye me shpejtësi në këmbë për të shtrirë këmbën e djathtë në tabelën e reklamave, përpara se të pinte dy shishe të vogla që ia dha një mjek i Tre Luanëve.
Trippier qëndroi në fushë dhe për t’i fituar Anglisë tri pikë, me skuadrën e Southgate që qëndron në krye të Grupit C në ndeshjen e tyre të dytë kundër Danimarkës të enjten.
Mënyra në të cilën Trippier u këndell shpejt i shtyu fansat të vënë në dyshim ilaçin sekret dhe përmbajtjen e tij, me disa që shkuan aq larg sa të akuzonin në mënyrë të rreme mbrojtësin e krahut për ‘doping drejtpërdrejt në televizion’.
Lëngu i trangujeve turshi ka qenë një armë sekrete e atletëve prej vitesh, por ekspozimi i fundit në Ligën Premier dhe Australian Open e ka sjellë atë në qendër të vëmendjes.
Lëngu me kripë ka shumë përfitime shëndetësore, sipas uebsajtit Healthline.
Këto përfshijnë: qetësimin e ngërçeve të muskujve, hidratimin, kontrollin e sheqerit në gjak, parandalimin e problemeve të zorrëve dhe zëvendësimin e elektroliteve të humbura gjatë stërvitjes. /Telegrafi/