Lajmi konfirmohet për Shekullin, nga burimet e rezervuara të Ministrisë së Brendshme, ku, sipas tyre, është identifikuar numri i pistoletës, nga e cila kanë dalë 11 plumba luftarakë dhe njëri prej tyre është gjetur në trupin e viktimës Myrtaj. Sipas këtyre burimeve, pistoleta e identifikuar është sekuestruar në Gardën e Republikës së bashku mes 35 pistoletave të tjera të kalibrit 9 mm, në fund të muajt mars.
Por, pavarësisht identifikimit të pistoletës, mësohet se ekspertët e Institutit të Policisë Shkencore, janë urdhëruar nga një drejtues i lartë i Policisë së Shtetit për të mos përpiluar raportin përfundimtar të këtij akt-ekspertimi dhe mos ta dorëzojnë atë në Prokurori./Telegrafi/