Gazetari i El Chiringuito, Paco Buyo është i bindur se Kylian Mbappe do të mbajë fanellën me numrin 10 të Real Madridit sezonin e ardhshëm.
Luka Modric aktualisht mban numrin 10 në Real Madrid, por legjenda kroate pritet të largohet nga klubi në fund të sezonit.
Fanella me numër 9 është gjithashtu bosh te Real Madrid, por Mbappe nuk e ka veshur kurrë më parë. Aktualisht mban numrin 10 për Francën dhe 7 për PSG-në.
? LO DICE @Francisco_Buyo, el que MEJOR CONOCE a AL-KHELAIFI. ?
? “La próxima temporada, Mbappé llevará el ’10’ del Real Madrid”.
? #ChiringuitoMbappe ? pic.twitter.com/YDB7TJxXxJ
— El Chiringuito TV (@elchiringuitotv) November 3, 2023
Mbappe nuk nënshkroi një vazhdim të kontratës me PSG-në këtë vit që do të thotë se ai ka të ngjarë të largohet nga klubi si lojtar i lirë vitin e ardhshëm.
Burime të shumta këmbëngulin se Real Madridi do të jetë destinacioni i Mbappes në vitin 2024.
Sipas Felix Diaz të gazetës Marca, e gjithë dhoma e zhveshjes së Real Madrid pret që Mbappe t’i bashkohet ekipin të tyre në sezonin e ri.
Francezi përfundoi i treti në podiumin e Topit të Artë muajin e kaluar pas Lionel Messit dhe Erling Haaland. /Telegrafi/