“Kjo anomali është mjaft mbresëlënëse dhe është përballë nesh”, tha Mehdi Tyoubi, themelues i Heritage Innovation
Preservation Institute që është duke i kryer skanimet e piramidave duke përdorur valët e termografisë, radiografisë dhe rikonstruktimit në 3D.
Anomalia është vërejtur në pjesën lindore të piramidës, të njohur gjithashtu edhe si “Piramida e Khufu-së”, siç mund të shihet edhe në këtë foto të shfaqur nga organizata:
“Kemi disa hipoteza por asnjë përfundim për momentin”, tha Tayoubi. Ministri egjiptian i Antikave, Mamdouh el-Damaty tha se edhe ai ka disa hipoteza, por dëshironte të bëheshin më shumë hulumtime për t’i zbuluar ato.
El-Damaty tha për Associated Press se inspektimet në këtë pjesë të piramidës duket të jenë pasazhe të vogla në tokë.
“Piramidat kanë gjithashtu një lidhje me aspektin diellor, dhe me kultin e perëndisë Ra, në fenë e lashtë egjiptiane”, shtoi ai.
Judas, i cili ka bërë disa punë në terren, tha se piramida Khufu përmban serinë më komplekse të pasazheve dhe mund të ketë pasur disa ndryshime të projektimit gjatë ndërtimit, transmeton lajmi.net.
Dhoma origjinale e varrimit, për shembull, është nën tokë. Sidoqoftë, vendi final i pushimit të faraonit ishte “Dhoma e Mbretit” që ndodhet pranë ‘kokës’ së piramidës.
Judas tha se çfarëdo që është përgjegjës për këtë anomali mund të ketë lidhje me fazat e hershme të ndërtimit dhe dhomën e parë të varrimit.
