Futbollisti i Barcelonës, Ferran Torres ishte në qendër të vëmendjes në ndeshjen ndaj Napolit.
Krahas humbjes së disa rasteve të mira, ai në pjesën e dytë luajti me një fanellë që nuk kishte stemë dhe logo të sponsorit dhe tashmë është zbuluar prapavija e asaj historie.
Tifozët u hutuan kur vunë re detajet që mungonin në fanellën e tij dhe për t’i bërë gjërat edhe më konfuze, Torres e luajti pjesën e parë të ndeshjes me një fanellë krejtësisht normale.
Ferran Torres’ shirt is missing a Barcelona crest and the Nike logo ? pic.twitter.com/L9FNMgnZ2w
— B/R Football (@brfootball) February 17, 2022
Është spekuluar shumë për fanellën e pazakontë të Torresit, por tani ka dalë një shpjegim mjaft i arsyeshëm.
Sipas gazetës AS, fanella e pazakontë është vetëm rezultat i një gabimi tipografik, dhe nuk ka të bëjë me ndonjë lloj proteste kundër klubit dhe prodhuesit të fanellave.
Lëshimi dyshohet se ka kaluar pa u vënë re nga stafi i Barcelonës dhe vetë lojtari, i cili ndërroi fanellën pas pjesës së parë.
Gjithashtu, Torres ishte një figurë kyçe kur bëhet fjalë për performancën në fushë. Ish-sulmuesi i Manchester City shënoi golin e vetëm të Barcelonës në barazimin 1-1. /Telegrafi/
https://www.youtube.com/watch?v=bGHw24Lja8g&ab_channel=RVHD