Një pushtim nga alienët apo një portal për vazhdimësinë e kohë-hapësirës?
Banorët në qytetin verior viktorian të Mildura-s në Australi mbetën të hutuar mbrëmjen e së mërkurës, kur qielli i natës u ndez me një shkëlqim rozë të frikshëm.
“Ishte shumë e çuditshme”, tha Tammy Szumowski.
“Isha në telefon me mamanë time, dhe babai im thoshte se bota po merrte fund”.
#Mildura and surrounds were treated to a spectacular sight tonight when a red light appeared in the sky.
Was it aliens?
An aurora?
No, it appears to have been the hydroponic lights from a medicinal cannabis farm reflecting off cloud which is somehow the most Mildura answer ever. pic.twitter.com/Wfy63tRrng— Sarah Tomlinson (@sarah_tomlinson) July 19, 2022
Megjithatë shpjegimi ishte shumë më i zakonshëm. Kompania farmaceutike Cann Group konfirmoi se dritat vinin nga objekti i saj lokal i kanabisit medicinal, ku perdet e zeza kishin mbetur hapur.
“Bimët e kanabisit kërkojnë spektra të ndryshëm drite për të inkurajuar rritjen e tyre”, tha Rhys Cohen, menaxher i lartë i komunikimit në Cann Group Ltd.
“Shpesh përdoret një dritë e spektrit të kuq. Normalisht objekti do të kishte perdet e zeza që vendosen gjatë natës dhe në të ardhmen do ta bllokojnë atë shkëlqim”. /Telegrafi/