Roboti i cili përshkoi kanalin e brendshëm të piramidës, të gjatë 63 metra, zbuloi në brendësi disa simbole misterioze, për të cilat ekspertët nuk kanë përgjigjie se çfarë janë dhe nga rrjedhin.
Pasi rruga drejt dhomës së veçantë në brendësi të piramidës është e komplikuar dhe gjendet 146 metra në thellësi të piramidës – nuk është për tu habitur se aty askush nuk ka mundur të futet.
Piramidën e Madhe, sipas të dhënave historike, e ka ndërtuar faraoni egjiptian Kufu, i njohur me emrin grek Keops. Kjo piramidë përbëhet prej 2.3 milionë blloqeve të granitit dhe gurëve. Përveç simboleve të panjohura, të cilat nuk janë të ngjashme me hieroglifet, janë gjetur edhe disa copa të pazakonta metali, të cilat janë vendosur në bllokun e parë të madh i cili mbron një dhomë brenda piramidës. Deri më tash nuk janë zbuluar kurrfarë artefakte. /Telegrafi/