E plotësuar: Një grua në moshë ka mbetur e vdekur në një rrugë në lagjen “Mati 1” në Prishtinë.
Fillimisht nuk dihej nëse vdekja erdhi si pasojë e shkaqeve natyrale, apo ishte në pyetje ndonjë aksident, por më pas, dëshmitarët në vendin e ngjarjes i kanë thënë Klan Kosovës se e moshuara u godit nga autobusi.
Ndërsa, siç kanë treguar policët që kanë dalur për të inspektuar vendin ku ka ndodhur aksidenti, shoferi i autobusit fillimisht kishte ikur, por më pas është dorëzuar në polici.
Në vendin e ngjarjes ka dalur edhe mjekësia ligjore e cila e ka konstatuar vdekjen.
Trupi i pajetë është dërguar për obduksion, ndërsa nesër do t’u kthehet familjarëve. /Klan Kosova/
———————————————————————-
ZBRITI NGA AUTOBUSI SEPSE NUK NDIHEJ MIRË, VDES NJË GRUA NË PRISHTINË
Një grua ka mbetur e vdekur skaj një rruge në lagjen “Mati 1” në Prishtinë. Fillimisht ajo kishte kërkuar të zbriste nga autobusi me të cilin ishte duke udhëtuar sepse nuk ndihej mirë.
Policia ka konfirmuar për Insajderin vdekjen e udhëtares, derisa kanë thënë se janë duke hetuar nëse ky rast është aksident apo është vdekje natyrale.
“Ende nuk dihet nëse është aksident apo vdekje natyrale”, ka thënë zëdhënësi i Policisë së Kosovës, Agron Borovci.