Gjatë një transmetimi të drejtpërdrejtë të enjten, duke njoftuar konkursin prej 100 milionë dollarësh për ‘XPrize Carbon Removal’, Elon Musk ishte zbathur.
Konkursi u kërkon njerëzve që të zhvillojnë projekte në shkallë të gjerë për të ndihmuar largimin dhe nxjerrjen e dioksidit të karbonit dhe riekuilibrimin e tendencave të rrezikshme të larta të emetimit të karbonit në Tokë.
Për të fituar, “ekipet duhet të demonstrojnë heqjen e CO2 në shkallën 1.000 ton në vit”, sipas faqes së konkursit, transmeton Telegrafi.
Fondacioni Elon Musk, po sponsorizon sipërmarrjen dhe 100 milionë dollarë do të ishin shuma më e madhe e parave të shpërndara nga organizata deri më tani.
Që nga kritikat ndaj përpjekjeve të tij filantropike si njeriu i dytë më i pasur në botë, Musk ka injektuar para në organizata dhe kauza të shumta.
Gjatë bisedës, Musk foli gjithashtu për udhëtimet në hapësirë në Mars, një planet ku ai shpreson të transportojë njerëz dhe të kolonizojë atë përmes kompanisë së tij hapësinore, SpaceX.
“A është kjo një çelës shpëtimi për njerëzit e pasur?”, u pyet Musk.
“Jo, nuk është”, tha ai duke qeshur. /Telegrafi/