Shtetet e Bashkuara duhet të veprojnë shpejt “për tu rikthyer” në marrëveshjen bërthamore të Iranit, sepse sapo të fillojë periudha e zgjedhjeve presidenciale të Iranit, nuk ka gjasa që shumë do të ndodhë deri në fund të këtij viti, tha të hënën ministri i Jashtëm iranian, Javad Zarif.
Sipas mediave të huaja, përcjell Telegrafi, duke folur në një institut në Qendrën Evropiane të Politikave, Zarif përsëriti kërkesën e gjatë të Teheranit që Uashingtoni të kthehet i pari në përputhje me heqjen e sanksioneve.
Ish-presidenti i SHBA-së, Donald Trump braktisi marrëveshjen, e njohur si JCPOA, sipas së cilës Irani pranoi frenimin e programit të tij bërthamor në këmbim të heqjes së sanksioneve.
Që atëherë, Uashingtoni ka rivendosur sanksionet dhe Teherani është përgjigjur duke shkelur disa nga kushtet e marrëveshjes.
Në anën tjetër, shkruan Reuters, presidenti Joe Biden synon të “rivendosë” marrëveshjen, por Teherani dhe Uashingtoni – secili dëshiron që pala tjetër të respektojë së pari.
“Evropianët janë mësuar të bëjnë kompromise. Irani dhe Shtetet e Bashkuara jo. Amerikanët janë mësuar të imponojnë, dhe ne jemi mësuar të rezistojmë”, tha Zarif. “Deri tani është koha për të vendosur nëse do të bëjmë kompromis dhe do të kthehemi te JCPOA, apo do të kthehemi në rrugët tona?”. /Telegrafi/