Ka disa të dhëna të hershme që mund të zbulojnë se jeni shtatzënë, edhe para se ta kuptoni.
Ka nga ato të dukshmet si mungesa e menstruacioneve dhe të vjellat në mëngjes. Por atëherë ka shenja më delikate si ndryshimi në zakonet tuaja të tualetit.
Një ekspert ka thënë se ndjenja e kapsllëkut dhe urinimi më shpesh mund të jetë për shkak të shtatzënisë.
Giulia Guerrini, një farmaciste, tha: “Edhe pse vështirë se është ekskluzive për shtatzëninë, është e mundur që të keni kapsllëk ose të urinoni më shumë se zakonisht gjatë shtatzënisë. Trupi juaj rrit sasinë e gjakut që prodhon gjatë shtatzënisë, duke bërë që veshkat tuaja të prodhojnë më shumë lëngje. Mund t’ju duhet të urinoni më shumë se zakonisht gjatë natës në mënyrë specifike”, shkruan The Sun.
Nëse vëreni se papritur po shkoni në tualet më shumë pa ndonjë arsye të dukshme, mund të ia vlen të kontrolloni nëse jeni shtatzënë . Por nëse jo, atëherë mund të ia vlen të shihet nëse po shfaqni ndonjë shenjë diabeti – pasi kjo mund të jetë një shenjë paralajmëruese.
Eksperti nga medino.com tha gjithashtu se gjakderdhja mund të jetë një shenjë se mund të jeni shtatzënë. Ata thanë: “Është e mundur të përjetoni një periudhë shumë të lehtë gjatë fillimit të shtatzënisë, vetëm duke humbur pak gjak ose disa njolla për shkak të gjakderdhjes së implantimit. Ky proces ndodh afërsisht gjashtë deri në 14 ditë pas fekondimit të një veze”.
Një rezultat pozitiv i testit është pothuajse me siguri i saktë, për sa kohë që i keni ndjekur udhëzimet në mënyrë korrekte. Një rezultat negativ është më pak i besueshëm. Nëse merrni një rezultat negativ dhe ende mendoni se mund të jeni shtatzënë, prisni një javë dhe provoni përsëri. /Telegrafi/