Ndër temat kryesore teknologjike të momentit janë videot e drejtpërdrejta. Pas lëshimit të videove ‘live’ nga Facebook dhe Tëitter, edhe Youtube lajmëron lansimin e tyre nëpërmjet kanalit të saj.
Përmes platformës mobile, Youtube ka vendosur të sjell videot e drejtpërdrejta në aplikacionin mobil.
Sipas një postimi në blogun e Youtube, për të shikuar videot ‘live’ në aplikacion, krejt ajo që duhet të bëni është të shtypni pullën e kuqe përmes të cilës lëshohet një video e cila është duke u xhiruar në kohën reale.
Në mënyrë të ngjashme, videot mund të kërkohen përmes rubrikës së kërkimit ose mund të bëhen private në mënyrë që vetëm një grup i paracaktuar i përdoruesve mund të shohin videon.
Kompania është duke promovuar përparësitë e këtij tipari, duke deklaruar se videot do të jenë më të shpejta dhe më lehtë të qasshme se platformat tjera.