Aplikacioni Yolo, është më i kërkuar ditëve të fundit në App Store.
Shumë të rritur, që nuk kalojnë kohë të gjatë në Snapchat, mund të mos kenë dëgjuar për Yolo, por është një trend shumë i përhapur viral, transmeton Telegrafi.
Ka tre javë që ndodhet në App Store, ndëra në dhjetë ditët e fundit, Yolo është numër një në top dhjetëshen kryesore. Që kur është lansuar më dy maj, u shkarkua mbi pesë milionë herë, duke u bërë më i kërkuar se Snapchat, që është shumë i popullarizuar.
Kjo platformë anonime, iu mundëson shfrytëzuesve t’ju bëjë pyetje ndjekësve, ndërsa merr përgjigje pa ditur se nga kush.
Nëpërmjet këtij aplikacioni, mund të pyesni për dukjen e juaj, apo ndonjë veprim të ndryshëm dhe mund të pranoni përgjigje shumë të sinqertë, meqë identiteti i atij që përgjigjet është i panjohur.
Ka mundësi, që nëpërmjet reagimeve në Yolo, dikush të përgjigjet negativisht dhe të ketë mundësi bulizmi, por jo për gjatë.
Filtrat e aplikacionit, do të detektojnë gjuhën e urrejtjes dhe do ta bllokojnë menjëherë atë llogari, ndërsa raportimet do shqyrtohen me shpejtësi të madhe. /Telegrafi/
