Edhe nëse shkojnë vetëm për pak ditë pushime, yjet televizive sigurohen që të kenë me vete të gjitha gjërat që do t’u nevojiten.
E sigurisht që gardëroba e tyre duhet të jetë me veshje të ndryshme, në mënyrë që asnjë ditë të mos vishen njësoj.
Ylli televiziv, Molly-Mae Hague, ka treguar përmes postimeve në rrjetet sociale gardërobën e saj për një kombinim në vlerë prej afro 10.000 funtesh (11.680 euro) për pushimet në Ibiza.
Influencuesja e YouTube nuk nguroi aspak që të tregonte shijen dhe stilin e saj shumë të shtrenjtë, përmes fotografive joshëse që ndau me ndjekësit.
Në një fotografi, ylli i “Love Island” mbante veshur një fustan Fendi, i cili mund të kushtojë rreth 6.500 funte (7.592 euro), derisa këtë veshje e kishte kombinuar me një çantë lëkure prej 2.370 funte (2.770 euro).
Ndërsa në një tjetër pozë, 22-vjeçarja shfaqet e veshur me rroba pak më të lira, kurse në tjerat sërish shfaqet me veshje të shtrenjta. /Telegrafi/
