Bartosz Kapustka ka konfirmuar se ai ka zgjedhur që të bashkohet me Leicester Cityn.
Mesfushori polak aktualisht luan për Cracovia dhe ka impresionuar në fushatën e Polonisë në ‘Euro 2016’ këtë verë.
Leicester kanë dorëzuar një ofertë prej 7.5 milionë funteve për Kapustka dhe 19-vjeçari e pranon që interesi i Claudio Ranierit ka luajtur një rol të rëndësishëm në vendimin e tij për të lëvizur me kampionët e Ligës Premier.
“Po, nga të gjitha ofertat e paraqitura, Leicester më ka kërkuar më së shumti”, ka thënë Kapustka për Telewizja Polska, transmeton Telegrafi.
“Interesi i Ranierit ishte një faktor i madh për mua. Ai kishte kërkuar në lidhje me mua, ai më donte për t’u bashkuar me ekipin. Kjo më bindi, por ka pasur shumë faktorë”.
“Unë nuk jam duke shkuar atje vetëm për shkak të emrit të klubit, ose për shkak se ata fituan Ligën Premier. Unë jam optimist dhe mendoj se kam një shans të vërtetë të kohës për të luajtur”, përfundoi mesfushori polak. /Telegrafi/
