Luftëtari i MMA, Sage Northcutt, ka debutuar në ONE Championship në mënyrën më të keqe të mundshme, pasi është nokautuar nga Cosmo Alexandre për vetëm 29 sekonda.
Ish-luftëtari i UFC-së në peshat e lehta nënshkroi një marrëveshje me promoterët në Azi në nëntor të vitit të kaluar, ndërsa bëri debutimin në ‘Enter the Dragon’ në Singapor të premten e javës së kaluar.
Por, kjo përballje për 23-vjeçarin përfundoi në një mënyrë të tmerrshme, pasi u nokautua nga braziliani Alexandre, derisa u dërgua me urgjencë në spital.
JUST. LIKE. THAT! Cosmo Alexandre knocks out Sage Northcutt 29 seconds into the first round 👊 @CosmoAlexandre #WeAreONE #EnterTheDragon #Singapore #MartialArts pic.twitter.com/Nh32Z1LNjU
— ONE Championship (@ONEChampionship) May 17, 2019
Kjo ishte humbja e tretë në karrierën e Northcutt dhe njëherësh më e turpshmja, praktikisht për lëndimet që ka pësuar në atë natë.
Ai më vonë ka bërë një postim në llogarinë e tij në Instagram për të treguar se ka pësuar tetë lëndime të rënda në fytyrë, në operacionin që i zgjati për nëntë orë. /Telegrafi/