Skuadra italiane, Lazio pritet të mbetet pa kapitenin e saj Lucas Biglia i cili është pranë kalimit në Milan.
Por zëvendësuesi i argjentinasit pritet të jetë lojtari kryesor i Përfaqësueses së Kosovës.
Hekuran Kryeziu shkëlqeu në edicionin e fundit me Luzernin dhe kjo ka bërë që të jetë në ‘orbitën’ e Lazios.
24-vjeçari pritet të largohet këtë verë nga Luzerni pasi në vitin 2018 i skadon kontrata dhe mund të largohet si lojtarë i lirë.
‘Corriere Dello Sport’ shkruan se drejtori sportiv Igli Tare së bashku me presidentin Claudio Lotito e pëlqejnë shumë lojën e Kryeziut.
Gjatë javës së ardhshme Lazio pritet të dalë me një ofertë zyrtare në drejtim të Luzernit për transferimin e Kryeziut.
Kujtojmë që Kryeziu ka qenë futbollisti më i mirë i Kosovës në pesë ndeshjet e para eliminatore për Kupën e Botës. /Telegrafi/
