Memphis Depey nuk është i kënaqur me qëndrimin në stol dhe gjatë janarit mund të largohet nga Manchester United, me Wolfsburg opsionin real për t’iu bashkuar.
Anësori i Manchester United, Memphis Depay është i frustruar shumë nga gjenda e tij aktuale në Old Trafford dhe dëshiron largimin.
Sipas gazetës gjermane Bild, holandezi mund t’i bashkohet gjatë afatit kalimtar të janarit skuadrës nga Bundesliga, Wolfsburg.
Holandezi ka qenë një lojtar i rregullt i skuadrës së Unitedit nën drejtimin e Louis van Gaalit sezonin e kaluar, duke bërë 45 paraqitje për klubin në të gjitha garat.
Megjithatë, e ardhmja e Memphis në Old Trafford duket e zymtë pasi ka luajtur vetëm 12 minuta në Ligën Premier nën Jose Mourinhon këtë sezon, dhe një transferim në Bundesliga është thënë të jetë në kartat e holandezit. /Telegrafi/