Chelsea dhe Wrexham kanë zhvilluar një ndeshje miqësore në Shtetet e Bashkuara të Amerikës ku po kryejnë përgatitjet parasezonale.
Dueli i zhvilluar në Levi’s Stadium pas 90 minutave lojë përfundoi baras 2-2.
Christopher Nkuku dhe Ugochukwu realizuan golat për Chelsean, derisa për Wrexham shënuan Bolton dhe Marriot.
Megjithatë ajo që ka bërë më shumë bujë nga kjo sfidë është përleshja e mbrojtësit të Chelseat, Lewi Colwill me rivalin në minutën e dytë.
Sulmuesi i Wrexham, McClean bëri një ndërhyrje të rrezikshme dhe kjo nuk i pëlqeu aspak mbrojtësit anglez që e kapi për fyti atë.
Gjithsesi shpejt reaguan futbollistët e të dyja skuadrave dhe gjakrat u qetësuan, derisa dy lojtarët e përfshirë në sherr shpëtuan pa u ndëshkuar. /Telegrafi/
Chelsea vs Wrexham fight after two minutes match start 😭 levi colwill. pic.twitter.com/kig5X8R1t7
— FOOTBALL CONTEXT (@SarojKarki65) July 25, 2024