Mesfushori afrikan, Yaya Toure nuk do të mbetet më në tribuna dhe do të jetë i gatshëm për klubin e tij.
Pasi nuk ishte grumbulluar në asnjë ndeshje zyrtare nga Pep Guardiola, Toure ka vendosur të kërkojë falje për fjalët që kishte thënë muaj më parë.
Toure ka kërkuar falje publike në faqen e tij zyrtare ndaj klubit dhe stafit të trajnerëve.
Tani ai pritet të grumbullohet nga Pep Guardiola për ndeshjet e radhës të Manchester Cityt.
“Dëshiroj të kërkoj falje në emër timin dhe të gjithë atyre që më përfaqësojnë mua. Falja është për ekipin e menagjmentit dhe të gjithë ata që punojnë në klub për keqkuptimet nga e kaluara”.
“Nuk kam asgjë kundër por vetëm respekt për Manchester Cityn dhe uroj më të mirën për klubin e futbollit”.
“Jam jashtëzakonisht krenar që kam luajtur një rol në historinë e klubit dhe dua ta ndihmojë edhe më shumë këtë qytet për suksese të reja. Unë jetoj për të luajtur futboll dhe për t’i argëtuar tifozët”.
“Në lidhje me këtë, unë do të doja t’i falënderoja të gjithë tifozët për mesazhet e tyre gjatë kësaj periudhe të vështirë. Kjo është një marrëveshje e madhe për mua dhe familjen time”, ka shkruar Yaya Toure në faqen e tij zyrtare në Facebook.
Toure nuk ka luajtur asnjë ndeshje zyrtare këtë edicion me Manchester Cityn nën urdhrat e Pep Guardiolës. /Telegrafi/
