Vitin e kaluar, gazeta Wall Street Journal gjithashtu pati raportuar se Yahoo dhe Apple ishin duke e diskutuar mundësinë e integrimit të më shumë shërbimeve të Yahoo-së në iOS, përveç aplikacioneve të Weather dhe Stocks, të cilat janë të para-instaluara në iPhone apo iPad.
Tani thuhet se drejtoresha e Yahoo, Marissa Mayer është duke e përgatitur një prezantim të detajuar të cilin do ta bëjë publik te drejtorët e Apple, dhe me të cilin ajo do të tregojë se si do të duket produkti i ri i kërkimit mobil nga motori i Yahoo-së.
Aktualisht, Yahoo dhe Microsoft janë në mes të marrëveshjes 10 vjeçare për kërkim dhe reklamim, edhe pse drejtoresha ekzistuese e Yahoo, Mayer është duke u munduar që ta ndërprejë këtë bashkëpunim. / Telegrafi /