Xhirokopteri përplaset në det para syve të pushuesve në Itali, shpëton mrekullisht piloti

Një xhirokopter u pa duke fluturuar ulët mbi një plazh në Itali, përpara se të përplasej në det përballë pushuesve që mbetën të tmerruar.

Fluturakja me dy ulëse u pa duke fluturuar rrezikshëm dhe ulët mbi tokë në brigjet e Marinadi Minturno në provincën italiane Latina, transmeton Telegrafi.

Videoja e publikuar më poshtë shfaq xhirokopterin duke fluturuar pak metra mbi ujë, dhe që më pas përplaset në plazhin plot me pushues.

Mrekullisht, piloti ka shpëtuar pa as lëndimin më të vogël, pavarësisht se politikani italian Francesco Emilio Borrelli kishte paralajmëruar se ishte “mrekulli që nuk u shndrruar në tragjedi”.

Ai gjithashtu bëri thirrje për kontrolle më të rrepta sa i përket sigurisë të atyre që operojnë me këto fluturake, e në veçanti në vendet ku janë të mbushura me njerëz. /Telegrafi/