Skuadra e Real Madridit, të cilën e ka udhëhequr Jose Mourinho, mund të jetë një prej ekipeve të nënvlerësuara të kohës moderne. Pas suksesit të madh me Interin, strategu portugez e mori drejtimin e Los Blancos në vitin 2010 dhe drejtoi për tre vite.
Sezoni i parë ishte paksa zhgënjyes, përkundër se e fitoi Kupën e Mbretit, ndërsa problemet filluan të shtoheshin në edicionin e fundit që pasoi edhe me largimin e tij.
Me gjithë kritikat, ai e fitoi La Ligan në edicionin 2011/2012 dhe Superkupën e Spanjës, dhe njëherësh vendosi klasin e tij. Reali arriti 100 pikë dhe shënoi rekord prej 121 golash në kampionatin spanjoll.
Dhe nëse nuk jeni të bindur nga statistikat, atëherë xhirimet nga loja e Mbretërve nën drejtimin e Mourinhos në sezonin e dytë, tregojnë për potencialin që kishte ajo skuadër.
Për më shumë, në dispozicion të trajnerit ishte edhe superylli Cristiano Ronaldo, ashtu që skuadra e tij ishte shumë ofensive dhe vrastare në kundërsulme. /Telegrafi/
https://www.youtube.com/watch?v=Uf0tVCs2xFQ