Xherdan Shaqiri vazhdon shkëlqimin te Chicago Fire, shënon nga goditja e dënimit dhe nga penalltia

Ylli shqiptar, Xherdan Shaqiri ka shënuar edhe dy gola tjerë me fanellën e klubit nga Mayor League Soccer, Chicago Fire.

‘Magjistari’ nga Gjilani ka vazhduar me paraqitje të mira në SHBA, duke shënuar edhe në ndeshjen e tretë nga katër të fundit.

Pas një supergoli nga distanca para dy javësh ndaj Montrealit dhe një penalltie me klas ndaj Minnesotta, Shaqiri ka gjetur përsëri portën.

Lexo po ashtu Portieri i Minnesotas u mundua ta shpërqendroj duke e provokuar, por Shaqiri e turpëron me golin nga penalltia

Shaqiri ka shënuar dy gola gjatë ndeshjes së zhvilluar ndaj Puebla në mëngjesin e sotëm (e martë), duke u zgjedhur edhe lojtari më i mirë i ndeshjes.

Goli i parë i Shaqiri erdhi në goditja e dënimit në minutën e 79-të dhe ishte goli i barazimi 1-1, rezultat që dërgoi ekipet në ekzekutimin e penalltive.

Në penallti, djaloshi gjilanas ishte përsëri i saktë duke shënuar për skuadrën e tij, por kjo nuk i ndihmoi ekipit, pasi në fund u mposhten. /Telegrafi/