Këngëtarja e njohur nga Shqipëria, Xhensila Myrtezaj, ka qenë një personazh tjetër i famshëm i ftuar së fundmi në “Më lër të flas”.
Përballë vëllezërve Veshaj, Donaldit dhe Romeos, ajo ka shpalosur shumë të pathëna nga jeta e karriera profesionale.
Në një moment, artistja shqiptare tregon se çfarë e bezdis për faktin që është e famshme.
“Të gjithëve, privatësia, sidomos kur bëhesh me fëmijë, disa raste kam qenë duke ia ndërruar pelenat te Liqeni vajzës dhe ishte një zonjë që dëshironte të bënte fotografi me mua dhe nuk ikte”, u shpreh ajo.
Tutje, autorja e këngës “Sekreti” thotë se tani është më e qetë dhe se ka fituar imunitet nga komentet rreth e rrotull.
“Me pengon kur ngatërrohet pjesa e familjes me artin bëhet kjo pjesa e showbizit, duam apo s’duam e kemi të faturuar se këtë kemi zgjedhur të bëjmë, kështu që. Nuk kam bërë kompromis, por jam shumë më e qetë. Me çfarë dëgjoj rreth e rrotull kam fituar imunitet”, vazhdoi më tej ylli i muzikës.
Xhensila ndryshe edhe këtë verë ka qenë shumë e angazhuar me mbrëmje e koncerte. /Telegrafi/
