Granit Xhaka i cili shënoi gol kundër Serbisë, ka komentuar në rrjetin social Instagram fitoren e Zvicrës.
Xhaka ka shënuar një gol jashtëzakonisht të bukur.
“Mos Serbi rrejtën ta shpova, se mu m’thojnë Granit Kosova”, ka shkruar Xhaka në faqen e tij zyrtare në Instagram.
Këtë mbishkrim e ka shoqëruar me fotografinë e tij ku shihet duke bërë shqiponjën.
Ndërsa në deklaratë për media, Granit Xhaka ka folur për emocionet dhe festën.
“Këto ishin emocione të pastra! Çfarë të them. 15 minutat e para nuk kemi qenë fare në lojë. Serbia bëri një punë të mirë, kishte shumë raste. Ishim në zonë për gjysmë ore, duke bërtitur, jo duke u kënaqur”.
“Dhe pastaj një reagim i tillë në pjesën e dytë. Kjo skuadër sapo ka bërë një hap të madh përpara”.
“I pamundur! 2-1! Sot është vetëm një ditë e mrekullueshme! Për mua, sigurisht, një lojë shumë e veçantë. Mijëra njerëz, familje nga Zvicra, nga Shqipëria , nga Kosova më kanë shkruar. Kjo fitore ishte për familjen time, e cila gjithnjë më përkrah”.
“Festa nuk ishte një mesazh për kundërshtarin. Sinqerisht, nuk më interesonte … Kjo ishte për njerëzit që gjithmonë më mbështetësin. Ata që nuk më lanë vetë. Në atdheun tim, ku janë rrënjët e prindërve të mi. Ato ishin vetëm emocione të pastra”, ka thënë Xhaka. /Telegrafi/