Në Zvicër për një moment të gjithë kishin frikë se mesfushori i tyre më i mirë Granit Xhaka do ta humbas botërorin.
Ylli nga Kosova pësoi një lëndim gjatë një dueli me Valon Behramin.
Por të gjithë e kritikuan trajnerin Vladimir Petkovic që lejoi stërvitjen në një terren të rënduar pas reshjeve të mëdha.
Pas kontrolleve mjekësore u vërtetua se lëndimi i Xhakës nuk është serioz dhe se prishtinasi do të jetë në botëror.
Ka qenë vetë Granit Xhaka që ka falënderuar të gjithë për mesazhet e dërguara në adresë të tij.
“Faleminderit njerëz për të gjitha mesazhet e dërguara. Lëndimi nuk ishte aq serioz siç u raportua”.
Xhaka ka shkruar se vazhdojnë përgatitjet me ekipin Kombëtar për ta bërë verën e veçantë.
“Ne vazhdojmë përgatitjet për ta bërë këtë verë të veçantë për gjithë ju”, ka shkruar Xhaka.
Zvicra në Kampionatin Botëror është në grup me Brazilin, Kosta Rikën dhe serbinë. /Telegrafi/