Taulant Xhaka nuk ka pasur fat në ndeshjen me Zurichun.
Mesfushori shqiptar ishte titullar si gjithnjë për skuadrën e tij Basel në fitoren 3-0.
Por në minutat e fundit të ndeshjes ai ka pësuar një lëndim të rëndë.
Xhaka ka lënduar ligamentin e gjurit të djathtë dhe u detyrua të largohej nga fusha.
Sipas medieve zvicerane, sezoni për mesfushorin shqiptar ka përfunduar.
Edhe pas kontrolleve mjekësore është vërejtur se Xhaka ka lënduar ndjeshëm ligamentin e gjurit të djathtë.
Ka qenë edhe klubi kampion i Zvicrës, Basel që në një postim në faqe i ka uruar shërim të shpejtë yllit të tyre.
27-vjeçari këtë edicion ka zhvilluar 34 ndeshje me Baselin ku ka shënuar tre gola dhe ka asistuar në dy të tjerë. /Telegrafi/