Ministrja shqiptare për Evropën dhe Punët e Jashtme, Olta Xhaçka ka kërkuar nga homologu sllovak Ivan Korčok që të marrë në konsideratë mundësinë e lejimit të një zyre përfaqësimi të Kosovës në Bratislavë.
Sipas Xhaçkas, kjo do të shërbente si një tregues i vullnetit të mirë dhe i mbështetjes së procesit aq të vështirë të dialogut mes Kosovës e Serbisë.
Lidhur me çështjen e Kosovës, ministri Korčok deklaroi se po ndiqet nga afër dialogu Kosovë – Prishtinë.
“Lajcak po bën gjithçka për të arritur zgjidhjen e duhur”, deklaroi Korčok.
Në fjalën e tij, ai u ndal në interesimin që Sllovakia po i kushton çështjes së integrimit të Ballkanit Perëndimor në BE.
“Dua t’ju përgëzoj për ecurinë dhe progresin e dukshëm. Shpresoj që si Shqipëria dhe Maqedonia e Veriut, gjatë presidencës portugeze, të marrin miratimin për hapjen e konferencës së parë ndërqeveritare”, u shpreh ai. /TCH/
