Trajneri i Al Sadd, Xavi Hernandez ka shpjeguar refuzimin e detyrës së trajnerit të Barcelonës në janar të vitit 2019.
Ish-mesfushori i Barcelonës sapo kishte filluar rrugëtimin e tij si trajner me Al Sadd në Katar, ku ai ka qenë në krye që nga pensionimi si lojtar në vitin 2019.
Megjithatë, nuk munguan ofertat nga klubi i tij ku kaloi gjithë karrierën, Barcelona, por Xavi nuk ishte i gatshëm të merrte drejtimin.
“Po, ndihem gati të stërvit çdo ekip në botë”, ka thënë fillimisht Xavi me vetëbesim të madh.
“Kur më ofruan, kam qenë vetëm tre muaj trajner, por tani është ndryshe. Kam më shumë përvojë dhe po mësoj shumë këtu”.
“Dua t’u them të gjithëve se jam shumë i lumtur në Katar dhe ideja ime është të vazhdoj të arrij sukses me këtë ekip”, përfundoi spanjolli. /Telegrafi/