Xavi ka paralajmëruar lojtarët e tij të Barcelonës për vetëkënaqësinë në luftën e tyre për titull në La Liga.
Goli i Ferran Torres vulosi një rikthim tek fitorja për Barcelonën, pasi katalanasit mposhtën 1-0 Atletico Madridin, për të shkuar në një avantazh prej 11 pikësh për titull.
Bluagranasit ka një avantazh të madh ndaj vendit të dytë Real Madrid, me tetë ndeshje të ligës të mbetura për të luajtur në sezonin 2022/23, por Xavi këmbënguli se puna nuk është përfunduar ende për ekipin e tij.
“Ekipi nuk ndihet si kampion dhe nëse ndihet, do t’u them që nuk jemi”, ka deklaruar Xavi pas ndeshjes.
“Pozicioni ynë është i privilegjuar, por ende nuk është bërë asgjë. Rayo Vallecano në ndeshjen e ardhshme do të na bëjë punën e vështirë”.
Barcelona do të përqendrohet vetëm në ndeshjet në La Liga, pasi tashmë është eliminuar nga Liga e Evropës dhe Kupa e Mbretit.
Skuadra e tij shkon te Vallecas në mesjavë dhe ish-mesfushori nuk e ka mposhtur Rayon gjatë kohës së tij në krye të Barcelonës.
Barcelona humbi në kryeqytetin spanjoll nën drejtimin e Ronald Koeman sezonin e kaluar dhe Rayo përfundoi edhe duelin e dytë me fitore, në mandatin e hershëm të Xavit. /Telegrafi/