Xavi ka zbarkuar në Barcelonë, gazetarët e pyesin nëse do ta zëvendësojë Koemanin

Xavi Hernandez ka arritur në Barcelonë të hënën pas përfundimit të sezonit me Al Sadd, ndërsa menjëherë nisën spekulimet se mund të bëhet trajner i katalunasve.

Legjenda e Blaugranëve është shoqëruar nga familja e tij, të cilët përgatiten për t’i kaluar pushimet në Kataluni, ku për herë të fundit kanë qëndruar para dy vitesh.

Dhe, siç transmeton Marca, ish-mesfushori i Barcës është pyetur nga gazetarët se a do ta zë vendin e Ronald Koeman në Camp Nou.

Lexo po ashtu Shanset janë të mëdha që Komean të shkarkohet nga Barcelona – katalunasit kanë kontaktuar trajnerin e njohur

“Unë nuk di asgjë, kam ardhur këtu për pushime”, është përgjigjur drejtpërdrejt Xavi.

41-vjeçari nuk ka dhënë komente të mëtutjeshme lidhur me këtë çështje dhe është larguar me familjen e tij.

Ndryshe, trajneri sapo e ka rinovuar kontratën me Al Sadd, edhe pse klubi nga Katari ia ka bërë të qartë se nuk do ta pengojë nëse ai merr ofertë nga Barcelona. /Telegrafi/