Telegrafi

Xabi Alonso është zgjedhja numër një për t’u bërë trajneri i ardhshëm i Tottenhamit

Në një kthesë të papritur, Xabi Alonso është shfaqur si kandidati numër një për t’u bërë menaxheri i ardhshëm i përhershëm i Tottenham Hotspur.

Ish-mesfushori 41-vjeçar i Liverpoolit dhe Real Madridit ka qenë një zbulim në Bayer Leverkusen që kur u emërua në tetor të vitit të kaluar.

Në atë kohë, Leverkusen ishte në fund të tabelës së Bundesligës në vendin e 17-të, pas një fillimi të mjerueshëm të sezonit.

Por tani, klubi gjerman është në vendin e gjashtë në ligën më të mirë të Gjermanisë me 14 fitore nga 30 ndeshje.

Në fakt, larg ligës, Leverkuseni ka arritur në gjysmëfinalen e Ligës së Evropës, ku do të përballet me Romën e Jose Mourinhos më 11 maj.

Si rezultat i suksesit të tij në Bay Arena, Alonso është lidhur me disa poste drejtuese, duke përfshirë rolin e lirë të trajnerit në Tottenham Hotspur.

 

Klubi londinez nuk ka caktuar ende një pasardhës të përhershëm të Antonio Contes, i cili u shkarkua në mars pas rezultateve zhgënjyese.

Që nga largimi i italianit, ish-asistenti i tij Cristian Stellini u emërua në detyrë si trajner, por ai u shkarkua pas një paraqitjeje “krejtësisht të papranueshme” kundër Newcastle.

Lexo po ashtu Zyrtare: Pas Contes, Tottenhami i ndanë rrugët edhe me Cristian Stellinin

Ryan Mason ka marrë së fundmi rolin në dukje të mallkuar për momentin, por mediumi gjerman De Telegraaf sugjeron se Alonso është duke kryesuar listën për të marrë këtë punë përgjithmonë.

Ata sugjerojnë se përvoja e tij ‘e madhe’ si lojtar me Liverpoolin dhe Real Madridin i jep atij një avantazh ndaj Arne Slot dhe Julian Nagelsmann, të cilët gjithashtu kanë qenë të lidhur. /Telegrafi/