Will Smith është ndër aktorët më të njohur në ‘showbiz’-in ndërkombëtarë.
Përpos kësaj, ai përherë është komentuar për fizikun e formësuar, të fituar përmes stërvitjeve të shumta, shkruan Daily Mail.
Por, për shkak të pandemisë coronavirus, aktori nuk ka mundur ta kontrollojë formësimin e tij.
Pasi deklaroi më parë se është në formën më të keqe të mundshme, duket se i është rikthyer seriozisht palestrës.
52-vjeçari zgjodhi të ndajë disa imazhe në rrjetin social Instagram, teksa shihej duke u stërvitur.
“Ju lutem mos e përdorni këtë imazh në situata të palakmueshme”, shkroi ai në përshkrim.
Veshja e tij në këtë imazh ishte me shumë ngjyra, derisa aktori po demonstronte ushtrimet qe po bënte. /Telegrafi/
