Wilfried Zaha është gati për tu larguar nga Crystal Palace, pas 11 sezoneve të kaluara te klubi londinez.
Sulmuesi nga Bregu i Fildisht ka debutuar me Crystal Palace në vitin 2010 ku luajti deri më 2013 dhe pas një aventure jo të mirë te Manchester United u rikthye në vitin 2014 për mos tu larguar më.
Por kur i ka mbetur vetëm edhe një vit deri në fund të kontratës së tij, Zaha po mendon largimin nga Crystal Palace për një aventurë të re e cila mund të jetë në Itali.
Agjentët e sulmuesit afrikan ia kanë ofruar atë Romës e cila tanimë ka bërë hapa para për transferimin e tij.
29-vjeçari ka kontratë me Crystal Palace deri në vitin 2023 dhe çmimi i tij nuk është aq i lartë siç ishte më parë.
Sipas mediave italiane Roma ka ofruar 15 milionë euro për sulmuesin plus kartonin e Felix Afena-Gyan dhe tanimë po presin një përgjigje nga klubi londinez.
Ka qenë vet trajneri portugez i Romës, Jose Mourinho që ka dhënë pëlqimin për transferimin e Zaha i cili shihet si zëvendësuesi adekuat i Nicolo Zaniolos. /Telegrafi/