Trajneri i Crystal Palace, Patrick Vieira, ka njoftuar se klubi do të bëjë gjithçka që është e mundur për ta mbajtur Wilfried Zaha në skuadër.
Sulmuesi është lidhur vazhdimisht me një largim nga Selhurst Park dhe tash ka marrë një ofertë të majme nga klubi saudit, Al-Ittihad.
Në rast se ai vendos të largohet nga Selhurst Park, në Arabinë Saudite do të përfitojë mbi 10 milionë euro neto në vit.
Vieira nuk është i befasuar nga thashethemet për ish-futbollistin e Manchester Unitedit, por thotë se Crystal Palace do të bëjë më të mirën për ta mbajtur.
“Të gjithë e dinë se duam ta mbajmë Wilfriedin te klubi ynë. Do të bëjmë gjithçka për ta mbajtur në këtë klub futbolli”, është shprehur trajneri.
Kontrata aktuale e Zaha skadon në qershor dhe është duke i shqyrtuar opsionet e tij, ndërkohë që Crystal Palace pritet t’i ofrojë 200.000 funte (230.000 euro) në javë për të qëndruar, por kjo do të varet edhe nëse skuadra ia del të mbetet në Ligën Premier. /Telegrafi/