Në orët e para të së dielës (04:30), luhet meçi i vlefshëm për titullin kampion për pesha të rënda .
Është i shumë përfoluri Deontay Wilder i cili do të mbrojë titullin ndaj Bermane Stiverne në Barclays Center (Brooklyn).
Wilder fillimisht duhet të ndeshej me Luis Ortiz, por kubani doli pozitiv për substanca të ndalura dhe kështu meçi u anulua dhe iu hap rruga Stivernes.
Më poshtë keni tetë gjërat që duhet të dini rreth kësaj përballje:
Për cilin titull ndeshen?
WBC, është Wilder ai që mbron titullin. Që kur e fitoi në janar të 2015 ka arritur ta mbrojë pesë herë.
Matjet zyrtare
Wilder peshoi 99,7 kilogram, kurse Stiverne 115 kilogram.
Ky është një re-meq
Wilder e fitoi titullin nga Stiverne në 2015 pas një vendimi unanim me pikë. Vlen të theksohet se Stiverne është kundërshtari i vetëm që Wilder nuk ka arritur ta mposht me nokaut.
Favorit?
Wilder është një favorit i madh, shumica e parashikojnë triumfin e tij me nokaut teknik në raundin e katër.
Hera e fundit kur janë ndeshur?
Wilder për herë të fundit u paraqit në shkurt të 2017 ndaj Gerald Washington ku fitoi në rundin e pestë me nokaut teknik. Stiverne ka qenë më pak aktiv që kur e humbi titullin në 2015. Në fakt, ai ka luftuar në vetëm një meç. Ai ishte në fitoren ndaj Derric Rossy në nëntor të 2015 me vendim unanim.
Wilder i nervozuar
https://www.youtube.com/watch?v=26yR9ntcBEg
Duket se asnjë boksier nuk ka hequr më shumë se Wilder për të gjetur kundërshtarë. Luis Ortiz ishte i treti që iu anulua pasi doli pozitiv në doping, më herët iu anuluan edhe takimet ndaj Alexander Povetkin dhe Andrzej Wawrzyk.
Kjo e shpjegon në një mënyrë pse Wilder nuk ka luftuar që nëntë muaj.
Motivimi i Stiverne
Jo shumë boksierëve i jepet shansi i dytë për të marrë atë që i takon, por Stiverne e ka shansin në orët e para të së dielës. Në humbjen e 2015 tha se nuk ishte në formë, të shohim këtë herë.
Çka ka në horizont të fituesin?
Një fitore e Wilder është ajo që adhuruesit e boksit dëshirojnë ta shikojnë pasi kështu atij do t’i jepet shansi të ndeshet me Anthony Joshuan. Edhe pse britaniku ka aktualisht sytë nga Tyson Fury dhe David Haye. /Telegrafi/
