Faqja zyrtare e West Hamit është përkujdesur të tallet me yllin e Manchester Unitedit, Jadon Sancho, pasi ai u driblua lehtësisht dhe u turpërua në një moment nga Pablo Fornals në ndeshjen e të mërkurës mbrëma.
Klubi londinez arriti t’i mposht Djajtë e Kuq me rezultat minimal 1-0 në kuadër të Carabao Cup dhe të kalojë në raundin tjetër.
Goli i vetëm në këtë ndeshje u shënua në minutën e tetë nga argjentinasi Manuel Lanzini.
Megjithatë, gjatë ndeshjes pati momente interesante dhe raste të shumta shënimi.
Por, faqja zyrtare e vendasve londinez u përkujdes t’ia kujtoj një moment jo të mirë blerjes 85 milionë eurosh të Unitedit, Sanchos.
Sulmuesi anglez në një moment tentoi t’i bëjë presion dhe t’ia marr topin spanjollit Fornals, por u turpërua duke iu futur topi mes këmbëve.
See ya later ?
? @pablofornals pic.twitter.com/ElsRXBs9aH
— West Ham United (@WestHam) September 23, 2021
Ky moment dhe ky driblim turpërues iu kujtua Sanchos me anë të një postimi nga faqja zyrtare e West Hamit.
“Shihemi më vonë”, ka shkruar klubi londinez në faqen zyrtare, ku ia ka bashkangjitur edhe videon e driblimit. /Telegrafi/